وصفات أم وليد : تورتة عيد الميلاد

للجينواز
5حبات بيض +150 غ سكر عادي مع رشة ملح وفاني تضربيهم بالخلاط الكهربائي حتى يتضاعف الحجم ونتحصل على قوام رغوي متماسك لازم كي تاخذي القليل من الملعقه وتعاودي تهبطيه على الخليط مايهبطش مباشرة في هاذ الوقت وبواسطة مصفاة نضيفو 150 غ فرينه مغربله عدة مرات على 3 دفعات وفي كل مرة نحركو برفق من الاسفل للاعلى حتى يختفي الطحين نجيبو صفيحة الفرن ندهنوها بالزيت ونفرشولها ورق

 الطهي ونصب الخليط ونمشيه على كامل البلاطو ونخبو خبطتين ولى ثلاثه باه يتوزع جيدا ندخلوه لفرن ساخن على 180 لمدة 5 دقائق..تحتاجي من هاذ الجنواز 3 ورقات لتشكيل التورته
شراب للسقي
250 غ سكر +250غ ماء فوق النار حتى يغلي شوي ويذوب السكر نطفيلو نضيفلو نكهة الموز
الكريمه
1كيلة غبرة الشونتيي+كيله ماء او حليب يكون بارد جدا جدا
نضربوهم بالباتور حتى يتماسكو
التركيب
نحط طبقم من الجينواز نشربوها بالسيرو البارد بواسطة فرشاة نشربوها مليح
نحط طبقة من الكريمه
من بعد طبقة جينواز نشربوها ومن بعد طريمه واخيرا جينواز ونشربوها
ونعملولها كش خفيفه تاع كريمه وندخلوها للمجمد حتى تشد
في هذا الوقت نفينوها بالكريمه جيدا
على الجوانب ممكن نستعمل مكسرات او كريمه او نزين بواسطة شريط التزيين
من فوق التزيين على حسب الرغبة بالفواكة والشوكولا ...